«Транстелеком» АҚ Digital Bridge 2025 форумында теміржол саласына арналған цифрлық шешімдерін және Aspan.pro экожүйесін таныстырды
«Транстелеком» АҚ Орталық Азиядағы ең ірі IT іс-шаралардың бірі — Digital Bridge 2025 форумына қатысты. Форум технология саласының көшбасшыларын, инвесторларды және инновациялық бизнес өкілдерін біріктірді. Биылғы жылдың басты тақырыбы — «Бизнеске арналған жасанды интеллект», және компания осы бағыттағы бірқатар шешімдерін ұсынды.
Ғылыми-зерттеу кешенді көлік мәселелері орталығымен бірлесіп, ТТС теміржол саласына арналған негізгі цифрлық шешімдерді көрсетті. Бұл шешімдер тасымалдаудың қауіпсіздігін, тиімділігін және сенімділігін арттыруға бағытталған:
• Smart-ДЕПО — пойыздардың ақауларын алдын ала болжайтын және тұрып қалу уақытын қысқартатын ақылды депо;
• Smart-Диспетчер — қозғалысты, кестені және энергия тұтынуын басқару жүйесі;
• Цифрлық локомотив борты — машинистке қауіпсіз және үнемді жүргізуге көмектесетін көмекші;
• «Аймақ» ақпараттық радиобайланыс жүйесі — шағын теміржол тармақтарының өткізу қабілетін арттыруға арналған байланыс және мониторинг жүйесі;
• Бірыңғай мониторинг орталығы — жолдардың, вагондардың және қозғалыстың нақты уақыттағы жағдайын бақылау;
• Цифрлық жүк ресурстарын жоспарлау және басқару жүйесі мен жүк бөлінісі платформасы — жүктің бөлінісін жасанды интеллект көмегімен оңтайландыру;
• AI тасымалдауда — қауіпсіздік, үнемділік және стратегиялық дамудың жаңа стандарттары.
