«Транстелеком» АҚ өз қызметіне тұрақты даму қағидаттарын біріктіре отырып, БҰҰ-ның 17 тұрақты даму мақсаттарын (ТДМ) ұстану міндеттемесін мойнына алды. Компания ТДМ-ның әрқайсысында көрінетін экологиялық және әлеуметтік проблемалардың өзектілігін түсінеді және оларды өз қызметі үшін маңызды деп санайды.
Компанияның тұрақты даму саясаты бизнесті жауаптылықпен жүргізу қағидаттарына, инновациялық тәсілге және ұзақ мерзімді нәтижелерге бағдарлануға негізделеді. Бұл экономикалық өсуге, экологиялық тиімділікті арттыруға және әлеуметтік әл-ауқатқа жаңа мүмкіндіктер ашады.
«Транстелеком» АҚ мыналарға баса назар аударады:
- қатысатын өңірлердегі халықтың өмір сүру сапасын жақсартуға;
- инновациялық технологияларды енгізу есебінен қызметтер сапасын арттыруға;
- әлеуметтік және білім беру бағдарламаларын іске асыруға;
- қоршаған ортаға теріс әсерді азайтуға;
- қызметтің ашықтығын және мүдделі тараптар алдындағы есеп беруін қамтамасыз етуге.
Компания,
ұстанатын
қағидаттар:
Адам құқықтары:
- Халықаралық қоғамдастық жариялаған адам құқықтарын қолдау және құрметтеу.
- Олардың бұзылуына кез келген қатыстылықты болдырмау.
Еңбек қатынастары:
- Қауымдастықтар бостандығын және ұжымдық келіссөздер жүргізу құқықтарын қолдау.
- Мәжбүрлі және балалар еңбегінің кез келген түрлеріне қарсы іс-қимыл.
- Еңбек және жұмыспен қамту саласындағы кемсітушілікті жою.
Қоршаған ортаны қорғау:
- Қоршаған ортаға теріс әсерді болдырмау.
- Экология үшін жауапкершілікті арттыру.
- Экологиялық таза технологияларды енгізу және тарату.
Сыбайлас жемқорлыққа қарсы күрес:
- Бопсалауды және пара беруді қоса алғанда, сыбайлас жемқорлықтың барлық түрлеріне қарсы іс-қимыл.
Кадрлық
саясат
Сан мен шығыстар динамикасы:
| Атауы | Өлш. бірл. | 2021 | 2022 | 2023 | 2024 |
| Қызметкерлердің жалпы саны | ад. | 3 358 | 3 453 | 3 197 | 2 764 |
| Еңбекақы төлеу бойынша шығыстар | млн теңге | 11 955 | 14 767 | 13 014 | 17 113 |
2024 жылдың негізгі көрсеткіштері:
- 22 764 қызметкер – жыл қорытындысы бойынша жалпы штат.
- 17,1 млрд теңге – еңбекақы төлеуге жұмсалған шығыстар.
- 799 млн теңге – әлеуметтік шығыстар.
- 110 студент Компания базасында тәжірибеден өтті.
Персонал санының азаюы бірқатар жобалардың аяқталуымен және ішкі процестердің одан әрі өзгеруімен байланысты. Осыған қарамастан, компания тұрақты кәсіби мамандар тобын қалыптастыруға және өзекті еңбек жағдайларын жасауға басты назар аударуды жалғастырады.
Гендерлік топтар
бойынша персоналдың
құрылымы, %
| Барлығы | Персонал санаты | ||||
| Басшылар | Мамандар / қызметшілер | Жұмысшылар | |||
| Тізімдік саны | адам | 2 764 | 390 | 1 883 | 491 |
| % | 100 | 14 | 68 | 18 | |
| олардың ішінде: | |||||
| ерлер | адам | 1 539 | 276 | 1 146 | 117 |
| % | 55,7 | 10 | 41,5 | 4,2 | |
| әйелдер | адам | 1 225 | 114 | 737 | 374 |
| % | 44,3 | 4,1 | 26,7 | 13,5 | |
Жас топтары бойынша
персоналдың
құрылымы, %
Категория
бойынша кадр
құрылымы, %
| Барлығы | Персоналдың санаты | ||||
| Басшылар | Мамандар / қызметшілер | Жұмысшылар | |||
| Тізімдік саны | адам | 2 764 | 390 | 1 883 | 491 |
| % | 100 | 14 | 68 | 18 | |
| из них: | |||||
| 34 жасқа дейін | адам | 1 185 | 102 | 995 | 88 |
| % | 42,9 | 3,7 | 36 | 3,1 | |
| 35-44 жас | адам | 786 | 161 | 507 | 118 |
| % | 28,4 | 5,8 | 18,3 | 4,3 | |
| 45 жастан | адам | 793 | 127 | 381 | 285 |
| % | 28,7 | 4,6 | 13,7 | 10,2 | |
Лауазымдар бойынша персоналдың тұрақтамауы, %
Еңбек қауіпсіздігі
және еңбекті қорғау
(ЕҚжЕҚ)
Жазатайым оқиғалар: 2024 жылы жарақаттану деңгейінің алдыңғы үш жылмен салыстырғанда азаюы тіркелді. Ауыр жағдайлардың негізгі себептері – сақтандырудың немесе авариялық тіректердің болмауынан биіктіктен құлау.
Ағымдағы оқыс оқиға:
2024 жылғы 12 наурызда Шымкентранстелеком филиалында қызметкердің ауыр жарақат алуына байланысты жол-көлік оқиғасы (ЖКО) орын алды.
Ден қою шаралары:
- Жоспардан тыс нұсқама берілді.
- Көлікті қауіпсіз пайдалану жөніндегі нұсқаулық енгізілді.
- Еңбек қауіпсіздігі және еңбекті қорғау (ЕҚжЕҚ) бойынша ішкі бақылау күшейтілді.
- Мерзімді медициналық тексеру: Қызметкерлердің 82%-ы өтті.
- Жұмыс орындарын аттестаттау: Жоспардың 92%-ы орындалды.
- Бұзушылықтарды жою деңгейі: 96%.
- ЕҚжЕҚ бойынша оқыту: Өндірістен қол үзбей жүргізілді.
Корпоративтік бастамалар:
- Дүниежүзілік еңбекті қорғау күні атап өтілді.
- Near Miss жүйесіндегі процестер автоматтандырылды.
- Жаңа регламенттер мен бақылау құралдары енгізілді.
- Көлік қауіпсіздігіне, көшбасшылыққа, ынталандыруға және мінез-құлықты бақылауға баса назар аударылды.
Жарақаттану көрсеткіші
Филиалдар бойынша соңғы 6 жыл ішіндегі жазатайым оқиғалар
ЕқжЕҚ бойынша оқыту және тексер
Электр қауіпсіздігі бойынша оқыту және тексеру
Персоналды оқыту және дамыту
2024 жылы персоналды оқыту және дамыту HR-саясатының басым бағыты болып қалуда. Барлық қызметкерлердің жалпы саны 2 764 адам болса, 2 065 қызметкер, оның ішінде 1 944 өндірістік және 121 әкімшілік персонал оқудан өтті. Цифрлық және басқарушылық құзыреттерді дамытуға басты назар аударылды, оның ішінде ақпараттық қауіпсіздік, деректерді талдау, деректерді тасымалдау желілерін әкімшілендіру, бұлтты сервистерді пайдалану және дамыту.
Компанияның 41 қызметкері сертификаттаудан өтті, оның ішінде Executive MBA дәрежесін алу, SOC, IT-қолдау, желілер, еңбек қауіпсіздігі, бизнес-қосымшалар және тәуекелдерді басқару бағыттары бойынша оқыту. Сондай-ақ объектілерге рұқсат алу үшін міндетті оқыту жүргізілді (ЕҚжЕҚ, өрт қауіпсіздігі, электр қауіпсіздігі, биіктікте жұмыс істеу және т.б.).
«Транстелеком» АҚ ҚР жоғары оқу орындарымен ынтымақтастықты жалғастыруда: 11 жаңа келісім жасалды, 110 студент тәжірибелік оқудан өтіп, олардың 40-ы кейіннен жұмысқа орналастырылды. HR-брендті қалыптастыру АКТ-саласына жас мамандарды тартуға бағытталған.
Әлеуметтік саясат және корпоративтік мәдениет
Әлеуметтік саясатқа жұмсалған шығыстар 2024 жылы 799 млн теңгені құрады (2023 жылғы деңгейдің 130%-ы). Негізгі шығыс санаттарына мыналар кіреді: жеке мүлікті пайдаланғаны үшін өтемақы (92 млн теңге), тұрғын үйді жалға алу (52 млн теңге), біржолғы төлемдер (13 млн теңге), материалдық көмек (137 млн теңге), балалы отбасыларды қолдау (83 млн теңге), мерекелік күндерге арналған сыйлықақылар (оның ішінде 8 наурыз – 38 млн теңге) және мерейтойлық күндерге арналған сыйлықақылар (6 млн теңге), қосымша демалыстар (7 млн теңге), сондай-ақ әлеуметтік-мәдени іс-шараларды ұйымдастыру (371 млн теңге).
Корпоративтік іс-шаралар, оның ішінде барлық филиалдардың қызметкерлері қатысқан Алматы қаласындағы VII Жазғы спартакиада өткізілді. Сондай-ақ Балаларды қорғау күніне орай қызметкерлердің балаларына арналған іс-шаралар ұйымдастырылып, ойын-сауық орталықтарына сертификаттар тапсырылып, сыйлықтар сатып алынды.
Көтермелеу және марапаттар
2024 жылы материалдық емес ынталандыру жүйесі үздік қызметкерлер мен командаларды жыл сайынғы марапаттауды қамтыды. Жалпы 324 қызметкер атап өтілді, оның ішінде 235-і филиалдарда, 89-ы орталық аппаратта.
Қызмет түрлері бойынша 9 номинацияда «Үздік команда 2024» байқауы өткізілді. Жеңімпаздар өндірістік көрсеткіштер мен командалық жұмыстың тиімділігі негізінде анықталды. 181 қызметкер дипломдар мен ақшалай сыйлықақылар алды.
Компанияның 25 жылдығына орай 48 қызметкер Цифрлық даму министрлігінің ведомстволық марапаттарына ие болды, оның ішінде 21 адам «Үздік байланысшы» төсбелгісімен марапатталды. 27 қызметкер ҚР ЦДИАӨМ Құрмет грамоталарымен және Алғыс хаттарымен атап өтілді.
Қоршаған
ортаны
қорғау
Экологиялық бастамалар және қоршаған ортаны қорғау тәсілі
«Транстелеком» АҚ қызметін экологиялық жауапкершілік қағидаттарын ескере отырып жүзеге асырады. Телекоммуникация саласының қоршаған ортаға әсер ету дәрежесінің салыстырмалы түрде төмен екенін ескере келе, Компания табиғатты қорғау заңнамасын сақтаудың және ресурстарды тұрақты пайдаланудың маңыздылығын мойындайды.
Компанияда ISO 14001 халықаралық стандарты бойынша сертификатталған Экологиялық менеджмент жүйесі (ЭМЖ) енгізілген және жұмыс істейді. 2024 жылы инспекциялық аудит сәтті өтті. Жұмыстың негізгі бағыттары: қалдықтарды бақылау, шығарындылар бойынша нормаларды сақтау, ластануды болдырмау, жағымсыз әсерді азайту бағдарламаларын іске асыру.
«Транстелеком» АҚ ҚР экологиялық заңнамасының талаптарына толық сәйкестікте жұмыс істейді, оның ішінде есептілік, қалдықтарды кәдеге жаратуға арналған шарттар, санитарлық нормаларды сақтау. Есепті кезеңде заң бұзушылықтар мен айыппұл санкциялары тіркелген жоқ.
Шығыстарға мыналар кіреді: шығарындылар және қалдықтарды орналастыру үшін экологиялық төлемдер, РШШ нормативтерін әзірлеуге инвестициялар, қоршаған ортаға әсерді бағалау, сондай-ақ экологиялық талаптарды сақтауға арналған әкімшілік шығындар.
Атмосфераға шығарындылар және климаттың өзгеруі
«Транстелеком» АҚ энергиялық тиімді және экологиялық таза технологияларды енгізе отырып, ластаушы заттардың атмосфераға шығарындыларын азайту бойынша шараларды қабылдайды. Осы аспектіні басқару ISO 14001 бойынша сертификатталған, жұмыс істеп тұрған Экологиялық менеджмент жүйесі (ЭМЖ) шеңберінде жүзеге асырылады. Өндірістік қызмет аясында Компания филиалдары қажетті рұқсаттарды алып, жыл сайын қадағалау органдарына есептілігін ұсынады. Есепті кезеңде экологиялық заңнаманы бұзушылық тіркелген жоқ.
Сатып алу
қызметі
«Транстелеком» АҚ-да тауарларды, жұмыстарды және қызметтерді сатып алу ішкі Сатып алу саясатына және Сатып алу қызметін басқару қағидаларына сәйкес жүзеге асырылады. Жеткізушіні таңдаудың барлық рәсімдері регламенттелген және eep.mitwork.kz электрондық сатып алу жүйесі арқылы өткізіледі.
Бір көзден сатып алу кезінде адал бәсекелестік және баға мен сапаның оңтайлы арақатынасы критерийлерін ескере отырып, нарықтық бағаларға талдау жүргізіледі. Сатып алу жүйесінің ашықтығы мен тиімділігін арттыру мақсатында ішкі регламенттерді өзектендіру бойынша тұрақты жұмыс жүргізілуде.